طريقه عمل كيكه الزبادى مجربه وسهله

المقادير: لعمل كيكه الزبادى
للكيكة:
1 كوب سكر
1 كوب زبادى
1 فانيليا
3 بيضة
2 كوب دقيق
1 بيكنج بودر
ملحوظة: حديد حجم الكوب على حسب الصينية الى انتى متعودة عليها فى عمل الكيكة العادية بتعتك

العسل:
2كوب ماء
1 1/2 كوب سكر
فانيليا
نقط عصير ليمون

طريقة التحضير:
لازم الأول تشعلى الفرن قبل ما تضعى الكيكة فية مش أقل من ساعة على درجة حرارة 200 درجة .... _هام جدا لإنجاح اى كيكة_
أسهل حاجة فى الكيكة دى انها بتتضرب فى الخلاط و سرسعة التحضير جدا و
مفيهاش زيت او زبدة يعنى مش دسمة و خطيبك مش هينام منك ان شاء الله
ضعى السكر و الزبادى و البيض و الفانيليا معا فى الخلاط و اضربيه جيداحتى يتجانس
و هاتى ايناء غويط زجاج او بلاستيك و ضعى فيه الدقيق و البيكنج بودر و
اخلطيه جيدا و احضرى مضرب سلك يدوي و اسكبى المقادر الى فى الخلاط على
الدقيق شوية شوية مع التقليب فى اتجاه واحد حتى يدخل الهواء فى الكيكة
احضرى الصينية و أدهنيها طبقة زبدة بسيطة و صبى المقدار فيها و ضعيها فى الفرن
لعمل العسل:
ضعى الماء ثم العسل - بدون تقليب ضعيه فقط على النار
و عند الزوبان ضعى الفانيليا
و اتركيه حتى يغلى
وزبعد ان تطفئ النار عليه ضعى قطرات اليمون
و اتركيه يبرد
ثم يصب على الكيكة و هى ساخنة و لسة خارجة من الفرن بس ماتنسيش تقلبيها
الأول فى طبق التقديم قبل ما تصبى العسل عشان ماتلزقش و رشى عليها شوية
جوز هند
و بالهنا و الشفا ان شاء الله